Read Time : < 1 मिनेट
२०७९ मङ्सिर २६ सोमबार १३:३३:००
नेपाली कांग्रेस जिल्ला कार्यसमिति काभ्रेले निर्वाचनमा अन्तर्घात गर्नेहरूको विवरण माग गरेकाे छ। जिल्ला सभापति तीर्थ लामाले एक विज्ञप्ति जारी गर्दै मंसिर ४ को निर्वाचनमा पार्टी र गठबन्धनका उम्मेदवारलाई असहयोग गर्नेहरूको विवरण पठाउन निर्देशन दिएका हुन्।
अन्तर्घात गर्नेको विवरण कार्यसमितिबाट निर्णय गरी पुस १ गतेभित्र जिल्ला अनुशासन समितिमा पठाउन जिल्ला कार्यसमितिले प्रदेश सभा निर्वाचन क्षेत्र, पालिका र वडा कार्यसमितिहरूलाई निर्देशन दिएको छ।