उपल्लो डोल्पामा अलपत्र कर्मचारीलिन सदरमुकाम दुनैबाट उडेको सेनाको हेलिकप्टर बीचबाटोबाटै फर्किएको छ । बीचबाटो पुगेपछि हावाको चाप बढेपछि फोक्सुन्डो तालबाट हेलिकोप्टर फर्किएको प्रमुख जिल्ला अधिकारी बेदनिधि अधिकारीले जानकारी दिए ।
उपल्लो डोल्पाका विभिन्न ठाउमा चुनाव गराउन गएका करिब एकसय पचास कर्मचारी अलपत्र परेको उनले बताए । हेलिकप्टर डोल्पामै रहेकाले पुनः उपल्लो डोल्पा पठाउन प्रयास गरिने बताइएको छ ।