मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत १६ शुक्रबार
  • Friday, 29 March, 2024
गगन अयडी बाजुरा
२०७९ मङ्सिर ७ बुधबार १९:५१:००
Read Time : < 1 मिनेट
समाचार डिजिटल संस्करण

अनेरास्ववियुद्वारा बाजुराका सिडियो, सुरक्षा निकायका प्रमुख र निर्वाचन अधिकृतमाथि आक्रमण

Read Time : < 1 मिनेट
गगन अयडी, बाजुरा
२०७९ मङ्सिर ७ बुधबार १९:५१:००

बाजुराका प्रमुख जिल्ला अधिकारी, सुरक्षा निकाय प्रमुख, मुख्य निर्वाचन अधिकृतमाथि अनेरास्ववियुका कार्यकर्ताले आक्रमण गरेका छन्। 

आफ्ना कार्यकर्ता चेतन अयडीको हत्यामा संलग्नलाई कारबाही गरे मात्र मतगणना सुरु गर्न दिने अडान राखेका एमाले नेता र अनेरास्ववियुका कार्यकर्ताले प्रमुख जिल्ला अधिकारी प्रकाशचन्द्र अधिकारी, मुख्य निर्वाचन अधिकृत ढाकाराम पौडेल र सुरक्षा निकायका प्रमुखहरूमाथि आक्रमण गरेका हुन्।

मतगणना प्रक्रियाअघि बढाउने विषयमा सदरमुकाम मार्तडीस्थित जिल्ला समन्वय समितिको हलमा सर्वदलीय बैठक सकेर निस्कने क्रममा अनेरास्ववियुका कार्यकर्ताले आक्रमण गरेको प्रजिअ अधिकारीले बताए।

‘जिल्ला समन्वय समितिको कार्यलय तथा मुख्य निर्वाचन अधिकृत कार्यालयबाट जिल्ला प्रशासन कार्यलय बाजुरा जाने वेला मार्तडीमा रहेको लोकतान्त्रिक चोकमा आक्रमण भएको छ,’ प्रजिअ अधिकारीले भने।

सर्वदलीय बैठक सकेर मुख्य निर्वाचन अधिकृतको कार्यालयबाहिर निस्कँदा गेटमा अनेरास्ववियुका कार्यकर्ताले प्रहरी प्रशासनविरुद्ध नाराबाजी गरिरहेका थिए। चेतन अयडीको हत्यारा प्रक्राउ गरी निष्पक्ष छानबिनको माग गर्दै अनेरास्वियुले आन्दोलन गरिरहेको थियो। 

अनेरास्ववियु कार्यकर्ताले ढुगांमुढा प्रहारसँगै कालो मुसोसमेत फालेको प्रजिअ अधिकारीले बताएका छन्। आक्रमणकारी अनेरास्ववियुका कार्यकर्ताको खोजी कार्य भइरहेको प्रहरीले जनाएको छ।