दाङ २ मा सत्ता गठबन्धनको तर्फबाट उम्मेदवारी दिएकी माओवादी नेतृ रेखा शर्माले सुरुवाती अग्रता लिएकी छिन् । सो क्षेत्रमा एमाले महासचिव शंकर पोख्रेल चुनावी मैदानमा छन् ।

दुई हजार सात सय ८० मत गणना भइसक्दा शर्माले  ६ सय ४ मत अन्तरले अग्रता लिएकी हुन् । उनले एक हजार ४ सय ५० मत ल्याएकी छन् । एमाले उम्मेदवार पोख्रेलले ८ सय ४६ मत प्राप्त गरेको मुख्य निर्वाचन अधिकृत कृपासुर कार्कीले जानकारी दिए ।

सुरुवातीमा बंगलाचुलीको २, ५,७ र घोराही उपमहानगरपालिकाको १५ र १९ वडाको मतगणना भइरहेको छ ।  क्षेत्र नम्बर  २ मा एक लाख ३३ हजार ७ सय ४८ मतदातामध्ये ७९ हजार चार सय ४६ मत खसेको छ । जिल्ला समन्वय समिति दाङको हलमा क्षेत्र नम्बर २ को मत गणना भइरहेको छ ।