बागमती नदी करिडोर क्षेत्रका सुकुमबासी बस्ती हटाउने अधिकारसम्पन्न बागमती सभ्यता एकीकृत विकास समितिको अल्टिमेटमविरुद्ध सुकुमबासीहरू विरोधमा उत्रिएका छन्। संयुक्त राष्ट्रिय सुकुमबासी मोर्चा नेपाल र नेपाल महिला एकता समाजको अगुवाइमा सुकुमबासीहरूले मंगलबार गुह्येश्वरीस्थित समितिको कार्यालय घेराउ गरेका छन्।
समितिले गत शुक्रबार एक सूचना जारी गर्दै नदी किनारमा अनधिकृत रूपमा निर्माण भएका घर–टहरा तथा निर्माण सामग्री र सवारीसाधन हटाउन १० दिनको अल्टिमेटम दिएको थियो। तोकिएको समयमा घरटहरा नभत्काए बल प्रयोग गरेरै भत्काउने समितिले चेतावनीसमेत दिएकाे थियाे।
तस्बिरहरु : संजित परियार/नयाँ पत्रिका