सानिमा बैंकले आफ्ना ग्राहकका लागि सानिमा भिसा डाइरेक्ट नामक सेवा सञ्चालनमा ल्याएको छ । बैंकले सेवामार्फत ग्राहकले विदेशबाट पठाएको पैसा तुरुन्तै प्राप्त गर्न सक्ने सुविधा सञ्चालनमा ल्याएको हो ।
विश्वभरबाट सानिमाको भिसा कार्ड नम्बरमा इन्टरनेट बैंकिङ, मोबाइल बैंकिङ र एटिएमजस्ता विभिन्न डिजिटल माध्यमबाट सजिलै रकमान्तर गर्न सकिने बैंकले जनाएको छ । यो सेवा नवीन प्रविधि भएकाले विश्वभरबाट सानिमा बैंकको भिसा कार्ड नम्बरमा पैसा प्राप्त गर्ने उपयुक्त वैकल्पिक माध्यम रहेको बैंकको दाबी छ । यो सेवा बैंकले भिसा इन्टरनेसनलसँगको सहकार्यमा सञ्चालन गरेकाले सरल, सुरक्षित र छरितो रहेको बैंकले जनाएको छ ।
हाल बैंकले देशका सातै प्रदेशमा एक सय ३० कार्यालय तथा एक सय २३ एटिएममार्फत सेवा प्रदान गरिरहेको जनाइएको छ ।