खाने तेलको प्रयोग विधि - Naya Patrika
eNaya Patrika
  • ePaper

खाने तेलको प्रयोग विधि

नेपाली भान्सामा अनिवार्य रूपमा खानेतेलको प्रयोग गरिन्छ, विशेषगरी तरकारी पकाउँदा । स्वास्थ्यका लागि पनि सामान्यतया दैनिक १० प्रतिशत फ्याटको आवश्यकता हुन्छ । तर, हामीले खाने चिल्लो पदार्थ वा तेल स्वस्थ नभएको अवस्थामा भने स्वास्थ्यमा हानि पुग्छ । त्यसैले खानेतेलको छनोटमा ध्यान पु-याउनुपर्छ ।

– पटक–पटक तताएको तेल प्रयोग गर्नु स्वास्थ्यका लागि हानिकारक हुन्छ । त्यसैले तेललाई एकपटक मात्र तताएर प्रयोग गर्नुपर्छ । किनकि, पटक–पटक तताएको तेल विषाक्त हुन्छ ।
– बजारमा पाइने जेरी, पुरी, मिठाईहरू विषाक्त तेलमा बनाइएका हुन्छन् । दिनभरि एउटै तेलमा तताएर यस्ता खाद्यपदार्थ तयार पारिन्छन् । त्यसैले यस्ता खानेकुरा प्रयोग नगर्दा राम्रो हुन्छ ।
– मिसावट भएका तेल चाँडैबिग्रिने समस्या हुन्छ । त्यसैले राम्रोसँग बुझेर मात्र तेलको प्रयोग गर्नुपर्छ । सञ्चारमाध्यममा आउने विज्ञापनलाई मात्र आधार बनाएर तेल खरिद गर्नुहुँदैन ।
– त्यस्तै, वनस्पति घ्यू प्रयोग भएका खाद्यपदार्थ स्वास्थ्यका लागि हानिकारक मानिन्छ । त्यसैले सकेसम्म शुद्ध तोरीको तेल प्रयोग गर्नु राम्रो हुन्छ ।
– तरकारीमा पनि तेलको मात्रा बढी राख्नु हुँदैन । त्यस्तै, मुटुरोगीले तेलको कम प्रयोग गर्नुपर्छ । यस्ता बिरामीका लागि ओलिभ आयल राम्रो मानिन्छ ।

तपाईको प्रतिक्रिया