प्रधानमन्त्रीको उच्चस्तरीय वार्ता सुरु, महत्वपूर्ण वार्ता आजै सकिने - Naya Patrika
eNaya Patrika
  • ePaper

प्रधानमन्त्रीको उच्चस्तरीय वार्ता सुरु, महत्वपूर्ण वार्ता आजै सकिने

राजकीय भ्रमणको दोस्रो दिन प्रधानमन्त्री केपी शर्मा ओलीले भारतीय उच्च नेतृत्वसँग भेटवार्ता प्रारम्भ गरेका छन् । प्रधानमन्त्री ओलीले आज विहान भारतका राष्ट्रपति रामनाथ कोविन्दसँग भेटवार्ता गरे भने भारतीय विदेशमन्त्री सुष्मा स्वराजले प्रधानमन्त्री ओलीसँग शिष्टाचार भेट गरेकी छिन् । प्रधानमन्त्री ओली र भारतीय समकक्षी मोदीबीच सीमित अधिकारीसहित र औपचारिक प्रतिनिधिमण्डलस्तरीय गरी दुईचरणको भेटवार्ता हैदरावाद हाउसमा हुँदैछ ।

प्रधानमन्त्री ओलीलाई भारतीय प्रधानमन्त्री मोदीले राष्ट्रपति भवनमा आयोजित गार्ड अफ अनरमा स्वागत गरे । ओली र मोदी दुवै प्रफुल्ल मुद्रामा देखिन्थे । दुईबर्ष अघि हाफ कुर्तामा आएका मोदी आज भने फूल कुर्तामा आएका थिए ।

राष्ट्रपति भवनमा गार्ड अफ अनरपछि प्रधानमन्त्री ओलीले दुईदेशबीच पुरानो मित्रता नवीकरण गर्न आफू आएको बताए । उनले भने, ‘सन्धी सम्झौता भन्दा पहिला मित्रता हुन्छ, त्यो मित्रता नवीकरण गर्न म यहाँ आएको छु ।’

भारतीय राष्ट्रपति कोविन्दले प्रधानमन्त्री ओलीलाई स्वागत गर्दै नेपालको विकास प्रयासमा भारत सहयोगी हुने बताएका छन् । विदेशमन्त्री स्वराजले आफू माघ १८ र १९ गते काठमाडौंमा रहँदाको स्मरण गर्दै नयाँ सरकारसँग मिलेर काम गर्ने भारतीय चाहना राखेको कूटनीतिक स्रोतले बताएको छ ।

तपाईको प्रतिक्रिया

सम्बन्धित शीर्षकहरु