टोपबहादुरलाई नेपाल फर्काउन सहयोग संकलन - Naya Patrika
eNaya Patrika
  • ePaper

टोपबहादुरलाई नेपाल फर्काउन सहयोग संकलन

युएई अदालतको फैसलाअनुसार ब्लडमनी एक लाख युएई दिराम (करिब २८ लाख नेपाली रुपैयाँ) तिर्न नसकेका चितवन खैरेनीका टोपबहादुर विकलाई नेपाल फर्काउन आर्थिक सहयोग संकलन अभियान सुरु भएको छ ।

अभियानअन्तर्गत एनआरएन युएईले शुक्रबार युएईमा क्रियाशील विभिन्न संघसंस्थाको भेला राखेर आर्थिक सहयोग संकलन अभियान सुरु गरेको हो । कार्यक्रममा उपस्थित विभिन्न संघसंस्थाका प्रतिनिधिले सहयोग गर्ने आर्थिक रकम घोषणा गरेका थिए ।

गत साता नेपाली दूतावास युएईको समन्वयमा सो देशमा क्रियाशील विभिन्न संघसंस्थाको भेलाले टोपबहादुर बचाउ अभियानको संयोजनकारी भूमिका निर्वाह गर्न गैरआवासीय नेपाली संघ युएईलाई जिम्मेवारी दिएको थियो ।

अहिलेसम्म विकका लागि ५७ हजार युएई दिहराम सहयोग गर्ने प्रतिबद्धता विभिन्न संघसंस्थाले जनाइसकेका छन् । अब उनलाई नेपाल फिर्तीका लागि ४३ हजार युएई दिराम (करिब १३ लाख नेपाली) आवश्यक पर्ने देखिन्छ ।

चार वर्षअघि काम गर्ने सिलसिलामा क्रेन दुर्घटना भएर दुईजना थाई नागरिकको मृत्यु भएको थियो । सो घटनामा त्यहाँको अदालतले मृतकका  परिवारलाई ब्लडमनीस्वरूप टोपबहादुरले एक लाख युएई दिराम दिनुपर्ने फैसला सुनाएको थियो ।

तपाईको प्रतिक्रिया