ब्लडमनी तिर्न नसकेर नेपाल फर्कन नपाएका टोपबहादुरलाई एनआरएनले १० प्रतिशत सहयोग गर्ने - Naya Patrika
eNaya Patrika
  • ePaper

ब्लडमनी तिर्न नसकेर नेपाल फर्कन नपाएका टोपबहादुरलाई एनआरएनले १० प्रतिशत सहयोग गर्ने

ब्लडमनी तिर्न नसकेर घर फर्कन नपाएका चितवन खैरेनीका टोपबहादुर विकको गैर आवासिय नेपाली संघ अन्र्तराष्ट्रिय समन्वय परिषदले १० प्रतिशत सहयोग गर्ने भएको छ ।

टोपबहादुरको लागि कुल रकमको दश प्रतिशत करिब २ लाख ८० हजार नेपाली रुपैयाँ सहयोग गर्ने एनआरएन युएईका प्रवक्ता मनु क्षेत्रीले बताए । उनका अनुसार एनआरएन मध्यपुर्व संयोजक आरके शर्मा, उपसंयोजक गोपाल कँडेल, आइसिसि सदस्य ठाकुर ढुंगाना, चित्र केसी र मनोज कुमार श्रेष्ठको विषेश पहलमा आइसिसिले उक्त निर्णय गरेको थियो ।

टोपबहादुर युएईको अल एनमा रहेको लिमा कन्ट्राक्टीङ्ग एलएलसीमा कार्यरत थिए । करीब ४ बर्ष पहिले (२ जुन २०१४) मा काम गर्ने शिलशिलामा क्रेन दुर्घटना भएको थियो । उक्त क्रेनबाट लडेर २ जना थाइल्याण्डका नागरिकको मृत्यु भएको थियो । उक्त घटनामा संलग्न भएको भन्दै क्रेन अपरेटर पाकिस्तानी नागरिक र हेल्परको रुपमा रहेका टोपबहादुर लाई ४ महिना २२ दिन जेल जीवनमसते विताइसकेका छन् ।

युएईको अदालतले मृतकका परिवारलाई ब्लडमनीस्वरुप ४ लाख युएई दिराम दिनुपर्ने फैसला गरेको थियो । जसमध्ये २ लाख दिराम उनले काम गरेको लिमा कम्पनीले, क्रेन अपरेटर (पाकिस्तानी नागरिक) र टोपबहादुरले एक÷एक लाख ( करिब २८ लाख नेपाली रुपैयाँ) दिनु पर्ने फैसला गरेको थियो । उक्त ब्लडमनी तिर्न नसक्दा टोपबहादुर घर फर्कन पाएका छैनन् ।

गैर आवासिय नेपाली संघ युएईका अध्यक्ष रमेश श्रेष्ठले दुतावास मार्फत पनि उनको उद्दारको लागि पहल भइरहेको बताए । कार्यबहाक राजदुतलाई भेटेर उनको लागि निवेदन गरेको र दुतावासले पहल गर्ने आश्वासन दिएको बताए ।

तपाईको प्रतिक्रिया