पार्टी एकता प्रक्रिया लम्ब्याउनु घातक : नेपाल - Naya Patrika
eNaya Patrika
  • ePaper

पार्टी एकता प्रक्रिया लम्ब्याउनु घातक : नेपाल

एमाले नेता माधवकुमार नेपालले देशमा वाम एकता हुन नदिन अहिले विभिन्न शक्ति केन्द्रबाट षडयन्त्र भइरहेको बताएका छन् । नेपाल राष्ट्रिय शिक्षक संगठन, काठमाडौँ महानगर समितिले आयोजना गरेको बधाई तथा सम्मान कार्यक्रममा उनले एकता प्रक्रिया लम्ब्यानु घातक हुने बताए ।

नेता नेपालले वामपन्थीले मुलुकमा जनताको अधिकार प्राप्त गर्नका लागि गरेको संघर्षले उनीहरु खारिएको बताउँदै उनीहरुको एकता देशको विकास र समृद्धिका लागि भएकाले कसैले पनि षडयन्त्र गर्नु नपर्नेमा जोड दिए ।

नेपाली जीवन पद्धति र व्यवहारसँग जोडिएको शिक्षा नीति कार्यान्वयन गर्नुपर्ने बताउँदै नेता नेपालले त्यस्तो शिक्षाले मुलुकमा उद्यमशीलता र स्वरोजगार वृद्धि गर्ने विचार व्यक्त गरे ।

पूर्वप्रधानमन्त्री नेपालले पछिल्लो समय सार्वजनिक विद्यालयले पनि निजी क्षेत्रका विद्यालयसँग गुणस्तरमा राम्रो प्रतिस्पर्धा गरिरहेको उल्लेख गर्दै भौतिक पूर्वाधार विकासका लागि आवश्यक पर्ने दक्ष जनशक्ति उत्पादन गर्नुपर्ने बताए ।

उनले राष्ट्रियसभा गठनका लागि समानुपातिकमा दर्ता भएका दलहरु मात्र सहभागी हुने हुँदा दल दर्ता गर्न तीन दिनको समय पुग्नेमा दुई साताको समय अवधि लामो भएको विचार व्यक्त गरे ।

पुुष्पलाल प्रतिष्ठानको अध्यक्षमा माधव नेपाल

 

 

तपाईको प्रतिक्रिया